Que engatjament ?
Lo principi de l’associacion es de pregardar li fermas, li tèrras agricòli e lu païsatges. Avantajar la creacion d’activitats rurali diversi en sostenent e ajudant lu païsans per lo desfolopament d’una agricultura biologica tanben.
Que realitat ?
D’espacis importants de tèrras fertili despareisson sota la pression de l’urbanisme. Lu sòls son estraissinats per una agricultura intensiva. Una tèrra que deven un produch especulatiu e qu’un jove agricultor novelari si pòu manco crompar. De territòris que si vüan e de païsans que pòdon pus trasmetre la sieu ferma e lo sieu gaubi.
’Mé l’ajuda dei sieus otís de finància solidària ?
La fonciera e lo fons, lo moviment associatiu TdL crompan ò recevon de tèrras en donacion, pi s’asseguran de li pregardar per estabilir d’agricultors en logant aqueli tèrras.
Que resultat ?
En quauqui annadas lo moviment TdL a ja permés l’abotissament de projèct numerós.
De fermas e tèrras pregardadi : 70 fermas aquistadi, esquasi 2000 ectaros de tèrra reservada per una agricultura biologica.
D’agricultors estabilits : 138 agricultors ajoncats dins lo quadre d’un balh rural environemental, esquasi 200 seguidas personalisadi per an per ajudar lu agricultors a achedre a la tèrra.
Una agri-diversitat : ortatge, ajuda pedagogica, elevatge, apicultura, païsan fornier, arboricultura, viticultura, fromai, planta per condiments, activitat de trasformacion, véndita directa.
Réactions